Artikel Bahasa Sunda (3 Perkara nu nyalametkeun manusa&3 perkara nu nyilakakeun manusa)

Dauhan Abu Hurairoh Radiyallahu ‘Anhu

Dina Kitab Nashoihul ‘Ibad dijelaskeun, yen aya 3 perkara nu bakal nyalametkeun manusa di Akherat oge 3 perkara nu bakal nyilakakeun manusia di Akherat.

v  3 Perkara nu bakal nyalametkeun manusia di Akherat diantarana:

1.     Kudu sieun ku Allah SWT dina waktu samar jeung dina waktu terang-terangan

Tegesna dina nalika urang ngalaksanakeun maksiat teh kudu sieun, yen urang teh keur dipantau, diawasi, ditinggali ku malaikat Katabah. Dimana satiap amal urang di Dunya baris dituliskeun ku Malaikat Rokib jeung Malaikat ‘Atid. Oge jaga di Akherat bakal dipenta pertanggungjawabanna ku Allah SWT dina satiap laku lampah urang nalika hirup di alam Fana’ ieu.

Sajaba ti eta, dina nalika urang ngalaksanakeun ibadah, urang kedah tiasa Istiqomah dina ngajagana. Tegesna urang ibadah ulah karana hoyong katinggali ku batur, eta tiasa kasebat Riya’. Tatapina urang kudu sieun atanapi kudu Ihsan (saolah-olah Alloh mah ninggali ka urang, urang mah teu ninggali ka Alloh) yen Alloh mah tara pernah kulem ninggali laku lampah hambana.

2.     Kudu Sigertengah dina kafakiran jeung kabeungharan

Tegesna bilamana tiba kafakiran atanapi musibah nu keuna ka urang, kedah tiasa sabar mayunan eta musibah. Tur kedah ikhtiar ka gusti Alloh kumaha carana sangkan tiasa milari jalan kaluar tina sagala cocobi nu baris tiba ka urang.

Simpulanna, nalika aya musibah kedah sabar tur ulah aral oge dina nalika kenging ni’mat kedah dituturkeun ku rasa syukur.

3.     Kedah Adil dina Ridlo jeung nalika ambek

Tegesna urang kedah tiasa adil dina sagala kaayaan, boh urang dina kaayaan ambek, seueur nafsu nu kapegung maka tetep kedah tiasa ngadegkeun kaadilan. Komo deui dina kaayaan manah nu tenang, manah nu tentrem mah kedah langkung adil nu saadil-adilna. Karana adil teh nyaeta nempatkeun hiji perkara dina tempatna.

Sakumaha nu parantos dijelaskeun sateuacanna ngeunaan 3 perkara nu bakal nyalametkeun manusa di Akherat, oge bakal diwanohkeun naon bae perkara nu bakal nyilakakeun manusa di Akherat.

v 3 Perkara nu bakal nyilakakeun manusa di Akherat

1.     Kacida pisan kopetna

Nalika aya nu ngabutuhkeun pitulung atanapi aya nu kedah dibantosan, maka urang salaku umat Islam kedah tiasa tulung-pitulung jeung papada muslim nu sejen. Boh dibantosan ku harta banda/harta kakayaan bila mana urang mampu, ku tanaga bilamana urang kuat tur sehat wal’afiyat, bilamana teu mampu keneh maka tiasa ku basa nu sae atanapi ku cara ngado’a ka eta jalmi. Kantenan ngado’a na urang sabari kaayaan hate nu fitrah tur ikhlas dina ngajalankeunna, insyaalloh biidznillah istajib do’ana ku gusti Allah ta’ala.

2.     Ngaberung kana hawa nafsu/ngumbar amarah

Kadang-kadang hawa nafsu mah salamina ngajak kana jalan nu salah, ngajak kana jalan nu dilarang ku gusti Alloh SWT. Kulantaran kitu, urang kedah tiasa nahan atanapi nyegah kana hawa nafsu sangkan teu ngalaksanakeun hiji kamaksiatan.

3.     Sombong ka papada manusa

Saestuna jalmi nu sombong eta dibendu ku Alloh SWT. Naon sababna? Sabab sombong mah eta mung milik Alloh wungkul. Manusa mah teu pantes sombong ka papada manusa deui, kulantaran sami-sami diciptakeun ku Alloh ka alam dunya pikeun ibadah sanes pikeun nyombongkeun diri pikeun nembongkeun sagala pangabisa urang oge sangkan urang tiasa kapandang sae ku papada jalmi.